Sa kinauukulan, Magandang araw po Consul.

Unang-una po ay binabati ko ang pinoybrunei.com sa pagkakaroon ng ganitong website para sa mga Pilipino dito sa Brunei na nais magtanong lalo na sa mga mahahalagang impormasyon, at syempre po sa pagtugon din naman po ni Sir Raymond, napaka-gandang idea po nito.

Uuwi po ako sa Pilipinas ng ilang araw, may nakausap ako at ang sabi niya ay kailangan ko daw kumuha ng OEC.

Sa aking pagkaka-alam ay 2 taon ang bisa ng OEC na kinuha ko noong isang taon.

Isa pa ay naka-multiple visa naman po ako, kailangan ko pa po bang kumuha ng OEC?

Sa tuwing uuwi po ba satin ang isang OFW dito ay obligadong kumuha ng OEC?

Maraming salamat po at more power po sa inyo Sir at sa pinoybrunei.com

Buds

Mr. Buds,

Magandang umaga po. Ito po ang mga sagot sa inyong mga tanong, batay sa inpormasyon na ibinigay sa akin ng POLO-Brunei:

1. Opo. Tuwing uuwi ang isang Filipino worker ay obligado po siyang kumuha ng OEC. Isang beses lang po ang gamit ng OEC. Ang OEC ay maaring makuha sa mga sumusunod:

a. POLO-Brunei

b POEA regional office na malapit sa inyong bahay

c. POEA main office sa Ortigas.

2. Sa aking pakikipagpanayam sa POLO-Brunei, maaring makakuha ng Multiple Travel Exit Clearance (MTEC), valid for 1 year, sa POEA main office sa Ortigas.

Ito ay isang special OEC na pwedeng gamitin ng ilang beses.

Sa ngayon, hindi pa nag-bibigay ang MTEC ang POLO-Brunei.

Lubos na Gumagalang,

Raymond R. Balatbat

Consul General

Kung may mga katanungan, mag email lamang po kayo sa This e-mail address is being protected from spambots. You need JavaScript enabled to view it