Isa po ako sa mga OFW na nakabase sa Belait district.

Nung mga nakaraang taon, bukas ang Philippine Embassy tuwing Sabado.

Kahit half-day lang malaking tulong ito sa aming mga taga Belait area na kailangan pa magbyahe ng malayo para lang makapunta sa embassy.

Ngayon sa pagkakaalam ko tinanggal na nila ang halfday pag Sabado kung kaya naging problema samin lalo na ang pasok ay Monday to Friday.

Hindi naman lahat ay papayagan ng employer na magabsent o undertime para lang pumunta sa Embassy.

Kung hindi ibabalik ang pagbubukas ng Embassy tuwing Sabado, baka maaaring magkaron ng satellite office dito kahit once a week lang para sa mga gustong kumuha ng OEC o sa iba pang kailangan sa Embassy.

Maraming salamat po at sana'y matulungan nyo kaming maiparating sa kinauukulan ang aming request.

Alvin, Magandang hapon sa iyo.

Kung iyong maala-ala, noong panahon ni Ambassador Yano ay pinatigil ang pagbubukas ng Embahada ng half-day sa Sabado dahil na rin sa kautusan mula DFA na magtipid sa gastos ang bawat Embahada at Consulado.

Naihayag na sa ating mga pahayagan at sa internet na malaki ang tinanggal ng Kongreso sa budget ng DFA para sa darating na taon, kung kaya't sa aking palagay, mahihirapan na maibalik ang pagbubukas ang Embahada kahit half-day sa Sabado.

Tungkol sa iyong panukala na mag bukas ng satellite office sa KB kahit tuwing Sabado, aking ipararating ang inyong panukala sa ating Labor Attaché.

Sa aking kaalaman, nag-papatupad sila ng mga livelihood programs sa Kuala Belait at Seria.

Tumatanggap din sila ng applications at nag-issue ng mga OEC tuwing dumadayo sa KB at Seria.

Nag-papalabas ng press release ang Embahada tuwing dadayo ang POLO/OWWA sa KB/Seria para marami ang makinabang sa kanilang serbisyo.

Di gaya ng POLO at OWWA, hindi na pwedeng mag-field services ang mga taga consular section, dahil E-Passport na ating ginagamit.

Very sensitive ang mga equipment at di pwedeng ibiyahe sa sasakyan o mainitan.

Isa pa, kailangan laging naka-connect sa internet ang E-passport equipment para makapag-enroll ng mga passport applicants.

Otherwise, di gagana yung E-passport equipment.

Kung may mga katanungan, mag email lamang po kayo sa This e-mail address is being protected from spambots. You need JavaScript enabled to view it