Ibinalik ni PBA Commis­sioner Chito Salud ang tra­de proposal para sa pag­­dadala ng Powerade kay Fil-Am rookie Marcio Lassiter sa Petron Blaze kapalit nina Nonoy Baclao at Rey Guevarra.

Ito ay matapos ang idi­naos na PBA board mee­ting kahapon na naglala­yong malinawan ang tunay na estado sa pagbebenta ng Coca-Cola Bottlers, Phi­lippines, Inc. ng kanilang PBA franchise (Powerade) sa San Miguel Corporation (SMC).

Inialok ng Coca-Cola ang prangkisa sa SMC sa halagang P100 milyon.

"My main concern as Commissioner is to find out whether a sale or not has been consummated between Coke and San Mi­guel because if one was consummated then those two parties would be rela­ted parties and therefore no trade between them could ever be allowed under current rules," ani Salud.

Dahil walang nangya­ring bentahan, maaari nang makipag-trade ang Coca sa SMC.

"Having established any­way that having no sa­le was consummated, these two teams can now make trades. Upon evaluation of the trade that is now before my office, I am exercising my right as Commissioner to veto the trade, return the trade to the parties concer­ned for possible revisions to make it more balanced," wika ni Salud.

Ipinasa na rin ni Nelson Asuncion, ang acting Go­ver­nor ng Coca-Cola sa PBA Board, ang trade na kinasasangkutan nina Lassiter, Baclao at Guevarra.

Samantala, kinuha ng Meralco si dating Red Bull import Earl Barron bilang standby import sakaling hindi na nila magustuhan ang inilalaro ni Jarrid Famous.

Nagtala si Famous ng mga averages na 26.0 points, 15.0 rebounds, 2.0 assists, 1.7 blocks at 1.0 steal para sa 1-2 baraha ngayon ng Bolts.

Ang 30-anyos na si Bar­ron ang gumiya sa Red Bull sa fourth-place finish sa 2005 Fiesta Conference mula sa kanyang mga ave­rages na 26.9 points, 15.4 rebounds, 2.0 assists at 1.5 shotblocks.

---source PSN